Një vit më parë, biznesmeni i djathtë Faik Curri në një takim me kryeministrin Edi Rama, akuzonte komisionet e prokurimit publik se e kishin skualifikuar padrejtësisht në tenderat që ai kishte marrë pjesë.
Akuzat e Currit mesa duket kanë bërë efekt, sepse gjatë vitit 2019 ai ka fituar disa tendera me shifra stratosferike dhe tenderi i fituar së fundmi nga kompania e tij kap një shifër prej 1.7 miliard lekësh.
Këtë tender ai e ka fituar në Bashkinë e Prrenjasit për “Rikonstruksionin e rrjetit shpërndarës të ujësjellësit Prrenjas”. Shpallja e fituesit është bërë me 27 janar.
Edhe pse ka debatuar me Ramën se nuk i jepeshin tendera, nga kërkimet rezulton se Curri ka fituar 13 tendera dhe sëbashku kanë një shifër super të çmendur prej 10 miliardë lekësh.
Por gjatë vitit 2019, ai ka fituar në bashkëpunim më kompaninë e “Bami SHPK”, një tender në Bashkinë e Krujës që kap shifrat e 3.3 miliardë lekëve.
Objekti i këtij tenderi ka qënë “Shtimi i sasisë së furnizimit me ujë te Qytetit të Krujës”. Rama gjatë debatit me të e cilësonte si bilbil, por mesa duket bilbilosja e Currit ka bërë shumë punë, pasi i ka dhënë frytet e saj. JOQ ALBANIA
