Një virus i ri misterioz, m origjinë tërësisht të panjohur është zbuluar në një liqen në Brazil. Lajmi është konfirmuar nga shkencëtarët. Virusi ka marrë emrin Yaravirus, i cili rrjedh nga emri Yara, një sirenë super-natyrore, e cila magjeps dhe josh detarët e rinj që të jetojnë nën ujë me të, sipas legjendës.
Kërkuesit kanë gjetur se mbi 90% e gjeneve të Yaravirus nuk janë parë kurrë më parë. Janë pikërisht këto gjene që e bëjnë këtë virus misterioz dhe tërësisht unik.
Zbulimi u bë pas përhapjes së virusit Novel (Koronavirus), i cilu e kishte origjinën në Kinë. COVID-19 koronavirus fillimisht nisi të infektonte njerëzit në dhjetor të vitit 2019 dhe nga ai moment deri më sot ka shkaktuar mbi 1 mijë vdekje dhe mbi 44 mijë e 500 persona të infektuar.
Nga ana tjetër, Yaravirus u dokumentua nga shkencëtarët në muajin janar, pasi u zbulua rastësisht në liqenin Pampulha, një liqen artificial në qytetin Belo Horizonte në Brazil. Shkencëtarët shprehen se kanë mundur të analizojnë ADN-në e virusit, ku kanë gjetur në total 74 gjene.vetëm 6 prej tyre janë të njohur dhe të hasur më parë për shkencëtarët, ndërsa pjesa tjetër janë tërësisht të reja.
***
Burimi: DailyMail|Përktheu dhe përshtati: JOQ Albania
