Një grabitje ndodhi ditën e sotme në një argjendari shumë pranë drejtorisë së Policisë në Elbasan. Bëhet me dije se hajduti ishte maskuar dhe mbante armë me vete, ku edhe ka kërcënuar dy shitëset duke marrë kështu disa bizhuteri mjaft të shtrenjta.
Nga ana tjetër, ngrihen dyshime se autori i grabitjes është i riu, Astrit Thaçi. Abc news shkruan se nga këqyrja e kamerave të sigurisë rezulton se Thaçi është autor i kësaj ngjarjeje.
Ndërkohë, bëhet me dije se Astrit Thaçi është shpallur në kërkim nga policia. Ai akuzohet për plagosjen e Rexhep Tereziut në Durrës, ku u fut në banesën e tij për të grabitur.
Gruaja e Rexhepit e pa Thaçin në dhomën e gjumit, duke kontrolluar sirtarët i maskuar dhe i armatosur.