Një aksident i rëndë është regjistruar paraditen e sotme në Divjakë, ku një automjet ka përplasur një këmbësore.
Raportohet se mjeti tip fouristradë ka aksidentuar rëndë 60-vjeçaren, Liri Ndoni.
E moshuara është dërguar në spitalin e Lushnjës, ku ndodhet në gjendje të rëndë.
60-vjeçarja kishte dalë të mbushte ujë në momentin që është përplasur nga makina.
Ngjarja ka ndodhur në rrugën nacionale, në afërsi të fshatit Mërtish.
Policia ka nisur hetimet për zbardhjen e plotë të ngjarjes, ndërkohë drejtuesi i mjetit është shoqëruar në komisariat për veprime të mëtejshme.