Një prej kompanive që ka përfituar më shumë tendera dhe vazhdon akoma të përfitojë gjatë qeverisjes së Ramës është kompania e “Vëllezërve Hysa”.
Edhe pse dy aksionerët e kësaj kompanie, Agron dhe Kujtim Hysa janë arrestuar para disa vitesh për shkak se akuzoheshin se nuk kanë ndërtuar rrugën e Gjinarit. Kjo gjë nuk e ka penguar aspak drejtorin e Autoritetit Rrugor Shqiptar, Ergys Verdhon që t’i japë sërish tendera këtyrë vëllezërve.
Tenderi i fundit i fituar nga “ Vëllezërit Hysa” është ai për ndërtimin e “ Urës së Zemblakut”. Kostoja e ndërtimit të kësaj ure do të jetë 320 milionë lekë.
Edhe pse në këtë tender kanë marrë pjesë 17 kompani, fitues në fund janë shpallur “Vëllezërit Hysa”. Ndryshe nga herët e tjera kjo kompani është shpallur fituese me vlerën më të vogël të ofruar për ndërtimin e kësaj ure.
Edhe viti 2020 ka nisur mjaft mbarë për këtë kompani, pasi në fund të janarit në bashkëpunim me “G.P.G Company” kanë arritur të fitojnë një tender më një shifër stratosferike prej 4 miliard lekësh për ndërtimin e ujësjellësit në Bashkinë e Belshit.
Por gjatë viteve 2015-2019 kjo kompani kanë përfituar 39 miliard lekë nga Buxheti i Shtetit.
