Ndodh shumë herë që të bëhen tendera për kryerjen e punimeve të ndryshme, por që ato punime nuk nisin asnjëherë.
Kështu ka ndodhur edhe me një tender të bërë nga Bashkia e Kamzës për ndërtimin e korsive të biçikletave në “ Bulevardin Blu”. Tenderi është bërë publik në 6 nëntor 2018, ndërsa lidhja e kontratës me fituesin është bërë në 4 mars 2019.
Fituesi i këtij tenderi ka qenë kompania “Kacdedja SHPK”, ndërsa afati për kryerjen e punimeve ka qenë 58 ditë nga lidhja e kontratës. Vlera fituese e këtij tenderi ka qënë jo pak e vogël, por plot 165 milionë lekë.
Jemi në shkurt të 2020-s, pothuajse një vit pasi është lidhur kontrata, por në “ Bulevardin Blu” mungojnë korsitë e biçikletave. Por nëse në "Bulevardin Blu" mungojnë korsitë e biçikletave, lind pyetja se ku kanë shkuar paratë, në xhepin e ish-kryetarit të Bashkisë së Kamzës Xhelal Mziu apo në xhepin e kompanisë fituese?
Ku kanë shkuar taksat e qytetarëve të cilët kanë paguar për të pasur korsi biçikletash në qytetin e tyre?
Në vitin 2013 Mziu ishte arrestuar nga Policia me akuzën e shpërdorimit të detyrës, por u shpall i pafajshëm nga Gjykata e Apelit.
Por a do të merret parasysh ky tender për ta akuzuar edhe njëherë për ish-kryebashkiakun e PD-së, duke qënë se është një rast flagrant? Pasi tenderi është dhënë ndërsa korsitë mungojnë.
Apo edhe ky rast do kalojë si në vitin 2013, ku Mziu akuzohej për kryerjen e disa shkeljeve në disa tendera?
