Rama premtoi se s’do të ishin vetëm/ Të prekurit nga tërmeti hidhen në rrugë: Kemi fjetur jashtë

51 jetë u shuan nga tërmeti i 26 nëntorit dhe me mijëra shqiptarë kanë mbetur në rrugë të madhe, pasi banesat e tyre u shkatërruan nga lëkundjet e forta sizmike.

Pas këtij tërmeti kryeministri Edi Rama premtoi se të prekurit nga tërmeti nuk do të ishin vetëm. Por në të vërtetë po ndodh një tragjedi tjetër me disa të prekur nga tërmeti.

Ata jo vetëm që janë lënë në mëshirë nga qeveria Rama, por edhe janë hedhur në rrugë. Njëri prej tyre ka shkruar pranë redakisë së JOQ Albania dhe tregon se natën e kaluar e kanë gdhirë jashtë.

Ata kanë fjetur në qiell të hapur në mes të këtij të ftohti. Në mesazhin e nisur pranë JOQ Albania ai thotë se pallati 88 në qytetin e Lezhës ka dalë i pabanushëm dhe se ishin të strehuar në palestrën e një shkolle, deri më dje që i kanë flakur jashtë.

Ai ka nisur dhe disa pamje të trishta ku shikohet se sa po vuajnë këta banorë. Në përfundim të mesazhit të tij ai shkuan ta shikojë gjithë Shqipëria se si po tallet shteti me ne.

Mesazhi i tij:

Pershendetje jam nje banor I qytetit te lezhes she banor i pallatit 88 shtepiat e tona kan Dal te pa banushem dhe bashkia e lezhes na Ka strehuar ne palestren e shkolles dhe tani na xjorren jasht mbram kemi fletur jasht she sot do bejm protest para bashkia nese esht e mundur ta shofin e gjith shqiperia cfar shteti esht kjo ce po tallen me.’’