“Po na q*het nëna këtu”, motivimi i veçantë që bëjnë lojtarët e Flamurtarit në dhomat e zhveshjes

Flamurtari i Vlorës po kalon një nga sezonet më të dobëta në historinë e klubit. Të zhytur në fundin e tabelës, vlonjatër rrezikojnë seriozisht zbritjen nj♪7 kategori më poshtë.

Problem kryesor mbetet financa, pasi futbollistët e ekipit nuk marrin rrogat prej muajsh të tërë.

Megjithatë, këtë javë që shkoi, Flamurtari mori fitoren e parë në Gjirokastër, atje ku do të fitonte me rezultatin 0-1. Kjo ishte edhe tre pikëshi i parë që vlonjatët merrnin në këtë Superiore, pas 22 javësh kampionat.

Por si u arrit deri këtu? Portieri Shpëtim Moçka tregon një video motivuese që është bërë te Flamurtari mes lojtarëve.

Ata flisnin për situatën e klubit, duke vendosur theksin në faktin se klubi nuk e kishte marrë ende fitoren e parë dhe kjo gjendje nuk mund të vazhdonte gjatë

Moçka iu drejtohet shokëve me fjalët:

Çuna kemi që nga gushti që po stërvitemi dhe turp i zotit që nuk kemi ende fitoren e parë. Sot është dita për të luftuar për veten tonë. Po na q…. nëna këtu, po djersisim në stërvitje. Me halle e më probleme ne jemi të gjithë, por këtë fitore sot le ta marrim për veten tonë. Për klubin, për Flamurtarin, në rregull?”.