“Mjekia e spitalit privat s’i bëri gjilpërën, 23-vjeçarja vdiq nga hemorragjia në tru pasi lindi”

Një ngjarje e rëndë, e cila nuk është bërë publike në media, raportohet të ketë ndodhur pak ditë më parë në Tiranë.

Burime ekskluzive për JOQ Albania bëjnë me dije se një 23-vjeçare me inicialet H.M, ka gjetur vdekjen tragjike.

Në lule të moshës, e reja ka gjetur vdekjen pak orë pasi ishte bërë nënë.

Sipas burimeve, ngjarja ka ndodhur në një prej spitaleve private më të njohur në kryqytet dhe shkak për vdekjen e saj u bë mos-kryerja e gjilpërës për hollimin e gjakut nga mjekia e spitalit.

Më 14 shkurt, 23-vjeçarja solli në jetë një djalë dhe në mbrëmje humbi jetën si pasojë e hemorragjisë në tru. Neglizhenca e mjekes supervizore të vajzës është pranuar nga vetë spitali, konfirmon i njëjti burim.

Burimi shprehet:

Mirembrema JOQ ne spitalin **** ka vdekur nje vajze 23 si pasoje e trashjes se gjakut pas lindjes me operacion te djalit te saj. E gjithë Lushnja eshte ne zi per kete tragjedi por ne lajme nuk flitet asgjë. Vajza nuk perdorte rrjet sociale. Nga spitali eshte pranuar qe vajza vdiq si pasoje e neglizhencës se mjekes e cila nuk i kishte ber e gjilperen e hollimit te gjakut. Ne date 14 lindi djalin dhe ne darke vajzës se shkrete hemorragji ne tru... I ati eshte njeri i njohur ne Lushnje dhe nga gjendja ekonomike janë shume mire. Gjynah per vajzën...”