Adam Hockett, banues në Kanada, u tmerrua në 15 janar kur prej tavanit të tualetit të tij filloi të rridhte gjak.
Zbulimi ishte vërtet tragjik pasi fqinji i tij që banonte sipër ishte rrëzuar keq duke çarë kokën. Gjaku prej të çarave në mur rrodhi në tualetin e ushtarit amerikan.
Ngjarja horror ndodhi në Winnipeg, Kanada, kur gjaku filloi të rridhte poshtë murit të tij të tualetit dhe mbi lavaman.
Hockett njoftoi menjëhre kompaninë e menaxhimit të ndërtesës së tij por ishte shpërfillur prej tyre. Seriozisht rasti i tij u mor kur publikoi fotografitë në Facebook.
Kujdestari i bllokut të apartamenteve dhe vetë Adam, trokitën në derën e fqinjit por kur askush nuk u përgjigj telefonuan 911.
Shërbimet e urgjencës gjetën trupin e pajetë të personit në tualet prapa derës pasi hasën vështirësi të futen.
Sipas CBC News , Hockett tha:
Në respekt të të ndjerit, unë do heq çdo detaj. Por ishte e qartë se ai kishte një urgjencë mjekësore pasi ishte rrëzuar në tualet dhe kishte çarë kokën. Dhe bazuar në fjalët e ekspertëve të mjekësisë ai kishte qëndruar i vdekur në tualet prej disa ditësh."
Hockett nuk ka nguruar të drejtojë edhe akuza ndaj kompanisë së administrimit të pallateve, Sussex Realty që ishin drejtpërdrejt përgjegjës për shqyrtimin e rastit dhe duhet të bënin pastrimin.
Në postimin e tij në Facebook, Hockett tha:
I shpjegova kompanisë se tualeti im ishte i ndotur me gjak dhe po kështu edhe objekte të miat, furça, kolinozi, madje dhe era ishte shumë e rëndë. Mora vetëm refuzim dhe tallje prej tyre. Më thanë edhe të prisja disa ditë por ngula këmbë se në atë gjendje ishte e pamundur.”
Kompania e menaxhimit më kontaktoi vetë në momentin kur panë postimin në Facebook dhe reagimet pasi njoftimi u shpërnda më shumë se 5000 herë në median sociale.
Një deklaratë nga Sussex Realty tha se incidenti ishte 'kuptueshëm traumatik për banorin në fjalë dhe gjithashtu për miqtë dhe familjen e banorit më lart'.
Hockett po ashtu pranoi se reagimi i tij ishte egoist pasi u shqetësua për ndotjen e tualetit dhe erën e rëndë ndërsa një zotëri kishte humbur jetën.
Burimi: Ladbible Përshtati dhe Përktheu: JOQ Albania
