E kemi thënë shpesh që të fitosh një tender duhet të kesh njohje me personazhet kryesore të Qeverisë Rama. Në listën e atyre kompanive që ka fituar miliarda lekë nga buxheti i shtetit është edhe kompania “ADVANCED BUSINESS SOLUTIONS –ABS sh.p.k”, e cila si aksioner kryesor ka Gerond Meçen.
Tenderi i fundit i fituar nga kjo kompani është me objekt “Upgrade i sistemit të kontrollit të releve të nënstacionit 220/110/35/20 kVKoplik” që i është dhënë nga Operatori i Sistemit të Transmetimit. Shifrat e këtij tenderi kapin vlerën e 364 milionë lekëve.
Ndërsa kjo kompani gjatë katër viteve të fundit ka përfituar nga buxheti i shtetit plot 13 miliardë lekë.
Por Gerond Meçe njihet si miku i ngushtë i Armand Frangut që është edhe baxhanaku i kryeministrit Edi Rama.
Edhe pse në Qendrën Kombetarë të Biznesit, Frangu nuk figuron si bashkëpronar apo bashkë aksioner, ajo çfarë e bën interesante faktin është se në një sajt izraelit ku gjenden kompanitë që kanë të bëjnë me teknologjinë, kjo kompani konfiguron me dy bashkëpronar që janë Armand Frangu dhe Gerond Meçe.