Teksa Erling Haland është duke mahnitur botën me paraqitjet e tij, mediat italiane zbulojnë një prapaskenë mjaft interesante me sulmueisn norvegjez. Ylli i Dordmundit, mund të ishte transferuar te Roma.
Skuadra italiane kishte një mundësi ideale për ta transferuar sulmuesin 20-vjeçar gjatë kohës që lojtari nuk ishte i njohur për tifozët. Por, ish-drejtori sportiv i klubit romak, Ramon Rodriguez i njohur si ‘’Monchi’’, refuzoi që ta blente lojtarin, edhe pse kishte mundësinë e artë në dorë për të nënshkruar me norvegjezin.
4 milionë euro ishte shuma që kërkohej të paguhej nga ish-kampionët italianë, por italiani nuk pranoi të paguante kaq para për një lojtar të panjohur. Norvegjezi atë kohë luante për Salzburgun, skuadër në të cilën u bë i famshëm. Ishte Sebino Nela, ish-lojtari i Romës ai që bëri të ditur këtë detaj interesant.
Nela u shpreh:
Kujtojmë që Haland po shkëlqen momentalisht te Borusia, skuadër në të cilën u transferua këtë merkato dimri për shifrën e 20 milionë eurove. Në gjashtë ndeshje me Verdhezinjët në të gjitha garat, lojtari ka arritur të shënojë 10 gola. Me një mesatare për afro dy gola për një ndeshje.