Të tjera detaje të rënda kanë dalë në lidhje me krimin që ndodhi në Xhafzotaj të Durrësit. Kujtojmë këtu se Lulzim Cuku i mori jetën gruas së tij Manjola Cukut.
Së fundmi ka folur babai i Manjola Cukut, zoti Kadri Lika. Sipas tij sherri midis Manjolës dhe Lulzimit kishte nisur prej vëllait të këtij të fundit.
Vëllai i tij donte të shpërngulej nga Dibra në Xhafzotaj, kurse Manjola nuk donte t’ia linte shtëpinë dhe të shkonte në Greqi te burri i saj.
Duke qenë se Manjola nuk pranonte t’ia linte shtëpinë, sipas babait të së ndjerës kunati i saj nisi të shpikte për të duke thënë madje dhe se ajo kishte një të dashur.
Babai i Manjolës ka treguar:
Goca punonte parukeri në katin e parë të shtëpisë. Ky vazhdonte të punonte në Greqi se thoshte unë s’mund të punoj këtu se jam mësuar me shumë para. Do të hapte klub këtu, por vazhdoi aty. Unë i thashë që ke kohë që je larg familjes, kur do e shijosh jetën me familjen. Shkaku i krimit ka qenë vëllai i vet që qëndron në Peshkopi. I erdhën dy fëmijët me shkollë në Durrës me qera, dhe se si ia mbushi mendjen të vëllait se 'po rri unë nja 4-5 vite në shtëpinë tëndë'. Gruaja e saj ishte rrobaqepëse, dhe thoshte që parukerinë do e bënte rrobaqepësi. Goca ime i tha jo. Tani vëllai i tij i thoshte që 'ore mos ka ndonjë këtej kjo që nuk të vjen mbrapa ty'. Nejse, ramë dakord, i thashë gocës do shkosh në Greqi. Ramë dakord, le të mbarojnë kalamajtë shkollën dhe i thashë dhëndrit duan kohë. Këto dy muaj vajza më ka thënë që kishte probleme, dhe madje ka tentuar para vitit të ri ta theri me thikë por ishte vajza e madhe që e ndali."