Pasi ia arritën që të grumbullonin 1.15 miliardë euro në konferencën e donatorëreve, tani kryeministri dhe kryebashkiakët e Rilindjes nuk e kanë më problem të harxhojnë para për të dalë sa më bukur përpara qytetarëve.
Këtë gjë e tregon mjaft qartë edhe tenderi që është bërë së fundmi nga kryetari i Bashkisë së Tiranës, Erion Veliaj.
Objekti i këtij tenderi është “Aplikacione dhe licenca në ndihmë të institucionit”, ku fitues është shpallur kompania “BNT Electronics”. Kjo kompani do të përfitojë 74 milionë lekë për kryerjen e këtyre shërbimeve.
Shërbimet që do t’i ofrojë kjo kompani janë mirëmbajtja e aplikacioneve të Bashkisë së Tiranës, pajisja me licensa për të gjitha programet apo softwaret që përdoren nga punonjësit e bashkisë, mirëmbajtja e websajtit tirana.al dhe menaxhimi i rrjeteve sociale.
Por ajo çfarë bie sy nga të gjitha këto specifikime të tenderit është pjesa për menaxhimin e rrjeteve sociale të Bashkisë së Tiranës.
Pra taksat e qytetarëve nuk shkojnë për shërbimet apo nevojat e domosdoshme, por harxhohen për të bërë propagandë Veliaj.
Kjo vërteton edhe njëherë faktin se për kryebashkiakun Veliaj ka më rëndësi të jetë sa më i pranishëm në rrjetet sociale sesa t'i shpenzojë me eficencë paratë e taksapaguesve.
Edhe pse njerëzit e prekur nga tërmeti akoma jetojnë nëpër çadra, kjo për Veliajn dhe Rilindjen nuk përbën aspak problem që t’i harxhojnë paratë për të pasur sa më shumë komente copy-paste që i bëjnë lajka nga profile falso. Pasi më të rëndësishme janë komentet e profileve fallso sesa komentet e vërteta dhe të hidhura që zakonisht fshihen nga postimet e tyre.
"Platforma duhet të kujdeset në kthimin e përgjigjeve automatike në rrjetet sociale përmes formave të ndryshme të përcaktuara...",-citohet në një fjali ku shpalosen specifikat e tenderit.
Ju sjell në mendje ndonjë episod ky "kthim përgjigje automatik"...?
I referohemi "komenteve që duhen bërë" në rrjetet sociale në çdo postim të liderit suprem apo kabinetit qeveritar nga qindra profile falso me të njëjtat rreshta të lajkave që të japin përshtypjen sikur Rilindja po punon, pjesë kjo e skemës së propagandës Gëbelsiane.
Për Veliajn rëndësi ka që të jetë sa më i dashur në rrjetet sociale, edhe pse është votuar për të drejtuar Tiranën dhe jo për t’u marrë me propagandën e internetit
Ndërsa kompania “ BNT Eletronics”, nuk është ndonjë e panjohur pasi në 4 vitet e fundit ka fituar 22 tendera nga institucione të ndryshme.
Kjo kompani e cila ka si aksioner Jovan Bejdanin dhe Leonard Terpon, sipas Thesarit, në vitet 2015-2019, ka përfituar nga buxheti i shtetit rreth 10 miliardë lekë.