Mjerimi është ulur këmbëkryq në shtëpitë e shqiptarëve. E tillë është edhe historia e familjes Shuli në Elbasan. Kjo familje jeton në kushte të mjerueshme.
Kryefamiljari tregon se nga Emergjencat Civile i kanë ofruar vetëm 300 mijë lekë të vjetra për riparimin e çatisë.
Ai ka thënë se e ka refuzuar këtë shumë, pasi është qesharake. Po ashtu ai tregon se vetë është i sëmurë edhe djalin e ka sëmurë me azmë dhe se vetë nuk mund të bëjë ndërhyrje në shtëpi.
Më pas ka treguar:
Këtu nuk jetohet, ç’bie jashtë bie brenda. Jam i pamundur, i pamundur, i sëmurë, djalin me aftësi të kufizuar, vetëm gruaja merret me ne. Nuk kam nga ia mbaj, i bëj thirrje shtetit dhe qeverisë të vërë dorë. Kanë ardhur kanë bërë vlerësime, kërcasin dhe ikin asgjë më shumë. Nuk kam më kanë ofruar 300 mijë lekë të vjetra që edhe po ti merrja nuk do gjeja zgjidhje me to. Ishte një vlerësim tepër qesharak, mospërfillës prandaj nuk i mora fare. Është shumë e vështirë të jetoj në magazinë. Të vënë dorë mbi mua, të më ndihmojë se jam në gjendje shumë të keqe. I kam vendosur mushama në vend të çatisë.’’
Banesa ku ata jetojnë ka dalë jashtë funksionit. Burri bën apel ta ndihmojnë:
Të na ndihmojnë se vërtetë jemi në kushte katastrofike por të mos tallen, është tallje përkrahja që na kanë dhënë, i kemi mbuluar banesat me mushama.’’