Gjashtë persona janë arrestuar në Vlorë, pasi tentuan të fusin një sasi të konsiderueshme mbetjesh të rrezikshme e të dëmshme për mjedisin dhe shëndetin e njeriut.
Ata ranë në prangat e policisë gjatë një aksioni policor në qytetin bregdetar, ndërsa mbetjet vinin me traget nga Italia në drejtim të portit të Vlorës dhe kishin destinacion përfundimtar Shqipërinë.
Policia njofton se ka sekustruar në cilësinë e provës materiale trageti, një furgon mallrash, si dhe një sasi të madhe, e dyshuar me mbetje amianti.
Mbetjet e rrezikshme u gjetën dhe sekuestruan në garazhin e tragetit të linjës Brindisi-Vlorë.
Të arrestuarit akuzohen për konsumimin tre veprave panele, të cilat janë “Kontrabanda me mallra të ndaluara”, “Menaxhimi i mbetjeve” dhe “Transportimi i mbetjeve”.
Njoftimi i Policisë:
Në bazë të informacioneve të mara në rrugë operative nga strukturat e Departamentit të Policisë Kriminale, se me një traget që ishte nisur nga Italia po transportohej një sasi e konsiderueshme me mbetje të rrezikshme për shëndetin e njeriut dhe ambientin, me qëllim për t’i depozituar në Shqipëri, u organizua puna dhe në bashkëpunim me Policinë vendore të Vlorës dhe atë Kufitare, u finalizua operacioni policor i koduar “Amiant”, në kuadër të të cilit u bë arrestimi në flagrancë i shtetasve:
Gjatë kontrollit të ushtruar në tragetin e linjës Brindisi – Vlorë dhe konkretisht në pjesën fundore të garazhit, është gjetur dhe sekuestruar me cilesinë e provës materiale një sasi e papërcaktuar mbetjesh të ndaluara e të dyshuara të rrezikshme, për të hyrë në Republikën e Shqipërisë.
Nga ana e Policisë u kryen veprimet procedurale ku në cilësinë e provës materiale, u sekuestrua trageti si dhe sasia e mbetjeve, të cilat nuk u lejuan të dilnin nga ambienti i tragetit.
Materialet procedurale u referuan në Prokurorinë pranë Gjykatës së Shkallës Parë Vlorë, për veprën penale “Kontrabanda me mallra të ndaluara”, “Menaxhimi i mbetjeve” dhe “Transportimi i mbetjeve”
Foto ilustruese
