Shpresat se koronavirusi i ri mund të largohet me rritjen e temperaturave, dhe me ardhjen e verës, janë zbehur.
Kjo pasi, studimi i fundit ka vërtetuar se koronavirusi, COVID-19 mund të transmetohet midis njerëzve në temperatura të nxehta, dhe në ambiente të lagështa.
Studiuesit nga Universiteti Mjekësor Nanjing, Kinë, thonë se 8 persona ishin infektuar me COVID-19 gjatë një banjë noti, sauna, në ujë me temperaturë të nxehtë.
Ekipi i Nanjing vazhdon të deklarojë se COVID-19 mund të ngadalësohet me rritjen e temperaturave, por studimi i fundit është shqetësues.
I infektuari i parë shkoi në një qëndër saune më 18 janar pasi kishte udhëtuar në Wuhan, dhe pikërisht një ditë më vonë ai shfaqi simptomat e COVID-19.
Pacienti në fjalë u diagnostikua më koronavirus, më 25 janar, pasi ua kishte transmetuar atë 7 personave të tjerë me të cilët notoi atë ditë, në temperatura të larta.
Të gjitha simptomat e COVID-19 u shfaqën në të shtatë pacientët, pas gjashtë deri në nëntë ditëve pasi vizituan së bashku qendrën e saunës.
Por jo vetëm kaq, në këtë qëndër u infektua po ato ditë edhe një punonjës.
Të gjithë pacientët dolën pozitivë me koronavirus, COVID-19. Studiuesit, përballë rezultateve të papritura, deklaruan se virusi i ri ka shanse të mos ngadalësohet me lagështinë dhe rritjen e temperaturave, duke dhënë një lajm të keq për shkencëtarët, të cilët po shpresojnë për një ngadalësim në mënyrë që të marrin kohën e duhur për vaksinën.
Burimi: Daily Mail| Përktheu dhe Përshtati: JOQ Albania