Koronavirusi i ri, COVID-19 ka pushtuar botën duke shkaktuar mijëra viktima në ditë. Sipas të dhënave zyrtare nga WorldMeter, deri më sot, në botë kemi 799,710 të infektuar, 38,720 viktima dhe 169,976 të shëruar plotësisht nga ky virus.
Ndërkohë që vendet afrikane kanë një prekje mesatare nga virusi, dhe viktima të pakta, në media online është ngritur pyetja:
A janë afrikanët imunë ndaj COVID-19?
Sipas një faqe në internet, Newswatch Nigeria, afrikanët i mbijetojnë koronavirusit, ose nuk preken fare, për shkak të ngjyrës së tyre të lëkurës.
Faqja në fjalë thotë se njerëzit afrikanë kanë antitrupa tre herë më të fortë se njerëzit me lëkurë të bardhë.
Por sipas ekspertëve, kjo është një gënjeshtër e madhe. Duke iu referuar një studenti afrikan të prekur nga COVID-19, mjekët kanë deklaruar se nuk ka asnjë të vërtetë për pretendimet e dallimeve genetike, imunitetit ose ndjeshmërisë ndaj sëmundjeve.
Pavarësisht deklaratave të ekspertëve vlen për t’u theksuar se vendet afrikane kanë një prekje të paktë nga COVID-19 dhe viktima shumë të pakta në numër.
Kjo ndoshta vjen për shkak të mënyrës së tyre të jetesës, distancimit të tyre social, ose shifrat e publikuara nuk janë shifrat e vërteta nga COVID-19 në këto vende.
Burimi: Poynter.org| Përktheu dhe Përshtati: JOQ Albania