Një familje me katër persona, duke përfshirë dy të rritur dhe dy vajza të moshës tre dhe pesë vjeç, janë gjetur të vdekur së bashku me qenin e tyre në shtëpi në një fshat piktoresk të West Sussex.
Prona prej 500,000 paundësh në Woodmancote është shtëpia e ndërtuesit Robert Needham, 42 vjeç, nëna e tij Maureen, 77 vjeç, partnerja i tij Kelly Fitzgibbons, 40 vjeç, dhe dy fëmijët e tyre Ava, pesë vjeç dhe Lexi, tre.
Z. Needham, Znj Fitzgibbons dhe vajzat u gjetën të vdekur.
Zonja Needham, e cila ishte në një vend tjetër larg shtëpisë në atë kohë, shkroi në Facebook:
Robert, Kelly dhe mbesat e mia bukuroshe që të gjithë vdiqën.
Ajo e shkruajti komentin nën një foto të familjes së postuar në internet të mërkurën e kaluar.
Policia e Sussex shkoi të shtunën në orën 6:45 pasdite në shtëpinë me tre dhoma gjumi, pasi mori një telefonatë për të ngritur një shqetësim për mirëqenien. Të katër personat u shpallën të vdekur në vendngjarje, së bashku me qenin.
Ngjarja erdhi vetëm disa ditë pasi zonja Fitzgibbons postoi një seri fotografish në Facebook të familjes së saj jashtë në fshat të premten e kaluar nën titullin 'ecja jonë për ditën'.
Detektivët filluan një hetim vrasjeje, midis dyshimeve për një vetëvrasje të mundshme. Oficerët konfirmuan se nuk po kërkojnë askënd tjetër në lidhje me të.
Z. Needham kishte në pronësi një kompani të quajtur Needham Building Services e cila ishte e specializuar në ndërtimin e shtëpive, por ajo u shpërbë në tetorin e kaluar. Që atëherë ai ishte duke ndërtuar një shtesë për familjen e tij pasi u zhvendos përsëri në shtëpinë e nënës së tij.
Numri i vrasjeve gjatë bllokimit të koronavirusit që filloi të hënën e kaluar tani është në nëntë, pas tre incidenteve të tjera në Uells, Hertfordshire dhe South Yorkshire.
Vrasjet e Sussex ishin të fundit në një seri çështjesh në fund të javës së parë të Britanisë në izolim, pas shqetësimeve të ngritura kur masat u vendosën të hënën e kaluar për një rritje të dhunës në familje dhe çështjeve të shëndetit mendor.
Burimi: Daily Mail | Përktheu dhe Përshtati: JOQ Albania