Një incident i rëndë ka ndodhur pasditen e së dielës në Tiranë, ku një fëmijë ka mbetur i plagosur teksa ishte duke luajtur me shokët në një fushë basketbolli.
Lajmi është bërë i ditur nga një qytetar, i cili ka dërguar një mesazh në redaksinë e JOQ Albania, ku shihet momenti pas incidentit.
Fëmija ka marrë dëmtime në kokë pas rrëzimit të shtyllës së koshit të basketbollit në parkun pranë kryqëzimit të rrugës së Don Bosco-s.
Sipas qytetarit, shtylla ishte rivendosur disa ditë më parë nga Agjencia e Parqeve dhe Rekreacionit, që është në varësi të Bashkisë së Tiranës.
Mesazhi i plotë:
Fatmirësisht, fëmija nuk mori plagë serioze nga incidenti, por ajo që duhet theksuar është papërgjegjshmëria e agjencisë në fjalë, e cila me gjasë nuk e ka vendosur siç duhet shtyllën e koshit të basketbollit.
Largqoftë nëse incidenti do të kishte qenë fatal, kush do mbante përgjegjësi më pas?
Ky incident duhet të shërbejë si këmbanë alarmi që punonjësit në varësi të "Lali Erit" të tregohen më të kujdesshëm në përmbushjen e detyrave për të cilat paguhen me taksat e qytetarëve të Tiranës, pasi mungesa e përgjegjshmërisë mund të shkaktojë edhe vdekje të pafajshme.
