Real Madridi para disa vitesh kishte në krye të stolit Jose Mourinhon, ndërsa në ekip kishte edhe një futbollist si Kristiano Ronaldo.
Dy portugezët nuk shkonin dhe aq mirë me njëri-tjetrin dhe kjo ishte e dukshme.
Së fundmi, Luka Modric ka rrëfyer një histori sherri të ndodhur mes Ronados dhe Mourinhos që për pak sa nuk degradoi në përplasje fizike.
Kroati tregon:
Po fitonim një ndeshje të vlefshme për Kupën e Spanjës me rezultatin 2-0, por Ronaldo nuk ndoqi në një aksion mbrojtësin kundërshtar, pas një rivënieje të topit me dorë nga vija anësore. Pashë Zhozenë shumë nervoz me Ronaldon dhe të dy nuk i kursyen fjalët në fushë ndaj njëri-tjetrit. Pasi u rikthyem në dhomat e zhveshjes, në fund të pjesës së parë, pashë Ronaldon e dëshpëruar, gati duke shpërthyer në lot. Më tha: ‘Po bëj më të mirën time, kur ky vazhdon që të më kritikojë’. Pas kësaj fraze në dhomë hyn Murinjo dhe menjëherë nisi të drejtojë gishtin me tone të ashpra ndaj Kristianos, duke e plagosur keq portugezin dhe duke i vënë në dukje se nuk po merrte shumë përgjegjësi në lojë. Ronaldo, me lot, u nxeh aq shumë, sa nëse nuk do të kishte hyrë në mes një grup shokësh për të shmangur katastrofën, CR7 do ta kishte masakruar me grushte Zhozenë dhe mes tyre sherri do të kishte qenë i pashmangshëm.
