Është finalizuar me sukses operacioni policor i quajtur "Kurbneshi", për kapjen e 44-vjeçarit me iniciale A.B, i shpallur në kërkim para më shumë se një viti për disa vepra penale.
Gjithashtu u gjend edhe fëmija 8-vjeçar, të cilin ai e kishte marrë me vete në mal, në kundërshtim të vendimit të Gjykatës së Shkallës së Parë Lezhë me datë 05.01.2019,e cila ka caktuar masën e sigurisë “Arrest me burg”, për veprat penale “Dhuna në familje”, “Pengime për ekzekutimin e vendimeve të Gjykatës” dhe “Veprime në kundërshtim me vendimin e Gjykatës”.
Policia e Lezhës dhe shërbimet e Komisariatit Mirditë, pas kontrolleve intensive prej një viti e gjysmë ranë në gjurmët e shtetasit të shpallur në kërkim.
Mësohet se 44-vjeçari vazhdimisht ushtronte dhunë ndaj bashkëshortes L.B dhe kishte rrëmbyer djalin e tyre në kundërshtim me vendimin e Gjykatës.
Policia e Qarkut Lezhë kishte që prej nëntorit të vitit 2018 që po e kërkonte A.B, dhe përveç procedurave formale, forcat policore kanë shfrytëzuar çdo informacion nga qytetrët, për të bërë të mundur lokalizimin e tij dhe më pas kapjen dhe vënien përpara drejtësisë.
Materialet dhe dokumentet procedurale i kanë kaluar Prokurorisë së Rrethit Gjyqësor Kurbin për veprime të mëtejshme.
