Kohët e fundit Shqipëria është kthyer në një pikë ndërmjetëse për emigrantët që kërkojnë të hyjnë në Europë.
Por, mesa duke kjo gjë ka hapur shtigje për shfrytëzim të trafikut të paligjshëm të emigrantëve që vijnë nga Lindja, kryesisht sirianë.
Policia organizoi operacionin "Toka e premtuar", ku u ndaluan dy persona dhe gjashtë të tjerë u shpallën në kërkim, ndërsa u sekuestruan 2 kompjuterë, 2 celularë,fatura bankare dhe disa leje qëndrimi të emigrantëve.
Të ndaluarit janë një 41-vjeçar nga Palestina dhe Suela Kaçabani, 41 vjeçe.
Bëhet me se dije kjo e fundit është motra e Drejtoreshës së Kufirit dhe Emigracionit, Enkeleida Toska, e cila u pezullua nga detyra vetëm dy ditë më parë për shkak se dyshohej se kishte favorizuar trafikun. Mendohet se ajo në bashkëpunim me disa kompani konsulente, bënte të mundur ardhjen në Shqipëri në mënyrë të organizuar të emigrantëve, kryesisht me origjinë nga Lindja e Mesme dhe vendet e Afrikës Veriore.
Më herët SHÇBA ka arrestuar dhe pezulluar nga detyra zyrtarët e tjerë që janë Altin Hasani, Shefi i sektorit Besnik Zela, Shefi i sektorit, Albana Metko, Shefe e Seksionit, Adelina Lita, Specialiste.
Çështja pritet t’i kalojë SPAK për hetime të mëtejshme, pasi bëhet fjalë për përfshirje të funksionarëve të administratës shtetërore.