Këshilli Politik për reformën zgjedhore arriti dakordësinë për administrimin e zgjedhjeve.
Megjithëse palët ende nuk kanë dalë nga tryeza, raportohet se është arritur dakordësia për disa çështje themelore.
Mësohet se palët kanë pranuar përfshirjen 100% të identifikimit elektronik të votuesve në zgjedhje, gjë e cila shihet si alternativa më e mirë për të 'zhdukur' fenomenin e votimit më shumë se një herë. Kjo kërkesë është depozituar nga opozita, ndërsa së fundmi është pranuar edhe nga mazhoranca.
Po ashtu, bëhet me dije është rënë dakord që KQZ të ketë tre nivele të balancuara politike, por detajet në lidhje me këtë çështje pritet të bëhen publike në vijim. Kryetari zgjidhet me konsensus, nënkryetari nga opozita. Puna e Këshillit Politik nuk ka mbaruar. Puna do të vijojë për çështjet e tjera në Këshill, që nuk kanë të bëjnë me administraten zgjedhore.
Detaje të reja për pikat ku është rënë dakord pritet të mësohen në minutat në vijim, pasi palët të lënë tryezat.
Mazhoranca ka siguruar se marrëveshja që po firmoset, nuk do të pësojë asnjë ndryshim në Kuvendin e Shqipërisë.
Gjithashtu bëhet me dije se PS ka ndërmarrë një vendim të papritur, duke u tërhequr nga depolitizimi i administratës zgjedhore në zgjedhjet e ardhshme, me kërkesë të PD-së, që kërkoi përjashtimin e administratës publike sipas një formule të propozuar nga BE-ja.
Për zgjedhjet e ardhshme, komisionet do të mbeten siç janë aktualisht.
Palët kanë rënë dakord që Parlamenti të mos e ndryshojë dot draftin pa pëlqimin e palëve në Këshillin Politik. Mësohet se rol kyç në dakordësinë mes palëve ka patur Komisioni Europian.