Në janar të këtij viti u arrestua Klodjan Kerrnaja, i kërkuar në Angli për kultivim kanabisi.
Policia zbuloi nga telefoni i tij një seri provash për aktivitetin e jashtëligjshëm të të riut dhe sekuestroi një sasi të madhe lëndësh narkotike.
“Pranoj fajësinë dhe kërkoj falje“, tha 30-vjeçari, teksa pranoi se shpërndante drogë të kategorisë B.
Fillimisht në nëntor të vitit të kaluar u zbulua një shtëpi e bërë enkas për kultivim kanabisi në Longlands, Middlesbrough dhe u sekuestreua 1.3 kg kanabis me vlerë 12.860 paund.
Prokurori i çështjes Rachel Masters, tha se oficerët e policisë zbuluan një tjetër shtëpi në Rrugën Harewood, Gresham, e cila ishte përshtatur gjithashtu, edhe pse nuk u gjet ndonjë bimë kanabisi.
Kerrnaja u arrestua në shtëpi dhe në momentin e arrestimit iu gjet edhe telefoni, i cili shërbeu si mjet për të zbuluar sa më shumë prova duke u nisur nga bisedat që kishte bërë i riu.
Më pas, 875 bimë me vlerë 735,000 paund u gjetën në një shtëpi në Ormesby në Veri. Gjithashtu edhe 85 bimë me një vlerë të mundshme prodhimi prej 74,000 £ u gjetën në një shtëpi në Throckley Avenue, ku burri që ndodhej brenda, arriti t'i shpëtonte policisë duke dalë nga çatia e shtëpisë.
Kerrnaja,i cili kishte hyrë në Angli në mënyrë të jashtëligjshme,fillimisht mohoi çdo njohuri për fermat e kanabisit, por më vonë e pranoi se ishte thjesht një “menaxher i mesëm”.
Në fakt ai kryente rekrutmin e punëtorëve, por edhe këtë gjë e mohoi.
Ai argumentoi duke thënë se 800 nga bimët në rrugën Beaumont ishin fidanë.
Gjykatësi i çështjes,Jonathan Carroll tha:
Kerrnaja u dënua me katër vjet e gjysmë burg.