Azilkërkuesit e huaj janë kthyer në një problem tejet shqetësues për banorët e Tiranës.
Në redaksinë e JOQ Albania kanë mbërritur disa denoncime, ku qytetarë kanë denoncuar sjelljen e pahijshme dhe të rrezikshme të azilantëve të huaj, të cilët shpesh herë janë përfshirë edhe në raste vjedhjesh dhe ngacmime seksuale në rrugët e kryeqytetit.
Së fundmi, një tjetër denoncim ka mbërritur në redaksinë tonë, ku një qytetar ka dërguar një video, ku shihet se si disa azilantë marokenë 'terrorizojnë' bizneset në Tiranë.
Sipas denoncuesit, ata po panikosin bizneset në kryeqytet teksa shfaqen duke mbajtur mjete prerëse nëpër duar.
Ai thotë se kanë njoftuar policinë, por këta të fundit duket se "nuk kanë ç'të bëjnë" sipas qytetarit, pasi i lëshojnë sërish pas shoqërimit në rajon.
Denoncuesi ngre alarmin se azilkërkuesit marokenë janë shndërruar në një problem madhor për kryeqytetasit.
Po ashtu, ai thekson se ata kryejnë vjedhje dhe kërcënojnë njerëz për para.
Videoja është filmuar mbrëmjen e sotme në zonën e Don Bosco-s.
Mesazhi i plotë:
Policia e Lleshit duket se është në 'gjumë', pasi deri më tani asnjë masë nuk është marrë për parandalimin e këtyre rasteve, të cilat dita-ditës po shtohen.