Restauroi vendin e shenjtë, shqiptari fiton admirimin e grekëve me gjestin e tij human

Një emigrant shqiptar në Selanik ka fituar admirimin e shumë grekëve pas një gjesti njerëzor që ai bëri.

Shqiptari i quajtur Albert restauroi një vend të shenjtë pranë bregdetit në zonën e quajtur Nea Grini Kalamaria, që kishte pësuar disa dëmtimi.

Lajmin na e ka dërguar një tjetër qytetar shqiptar, i cili ndjehet krenar me veprimin e bashkëatdhetarit të tij.

Siç shihet dhe në fotot e mëposhtme, Alberti ka marrë mjetet e punës dhe e restauroi vendin e shenjtë në formën e një kishëze.

Mesazhi i plotë i qytetarit:

Pershendetje JOQ! Nje shqiptar ne greqi ka ber nje veprim njerezor, dhe ka marr shum falenderime nga greket, a mund ta postoni ju lutem, se na ka ber krenar. Ai djali ka restauruar nje kishe, ose vend i shejte, si quhet, dhe jam ndjer krenar per kte veprim. Do ju lutesha ta publikonit. Ka nddohur ne Selanik, Nea Grini Kalamaria. Ju faleminderit!

Alberti e ka postuar në një grup, teksa thotë se kishte shkuar për të peshkuar, por nuk mundi dot të mos restauronte vendin e shenjtë që kishte nevojë për ndërhyrje.

Postimi i tij ka marrë mbi 1 mijë pëlqime dhe mbi 100 komente, ku të gjithë e kanë falenderuar dhe duartrokitur për veprimin e tij human.