Një prej bizneseve të familjes së ish-guvernatorit të Bankës së Shqipërisë, Ardian Fullani ka pësuar faliment.
Bëhet fjalë për restorantin me emrin “Rixhi’s” në pronësi të djalit të tij, Erik Fullanit. Në media po qarkullon dokumenti i QKB, ku shihet se restoranti i cili ndodhet në zonën e Tiranës së Re, i hapur në dhjetor 2017, ka mbyllur aktivitetin e tij.
Ky restorant njihej si ndër vendet e luksit në kryeqytet ku një sanduiç kushtonte jo më pak se 17 mijë lekë të vjetra, që duhet thënë për standardin ekonomik të shqiptarëve është pas si shumë i lartë.
Për Erik Fullanin është shkruar shpesh në media për shkak të jetës luksoze dhe makinave të shtrenjta që përdor ndërsa kujtojmë se babai i tij u shkarkua me bujë nga BSH, nën akuzën e vjedhjes dhe shpërdorimit të detyrës, akuza të cilat u hodhën poshtë duke mos u vërtetuar në gjykatë.
Ardian Fullani u arrestua në vitin 2014 me akuzën e vjedhjes duke shpërdorur detyrën për 713 milionë lekëve të reja.
Pas arrestimit masa e tij e sigurisë kaloi në ‘arrest shtëpie’, kurse vendimi i Apelit, më 23 dhjetor të 2015 e shpalli të pafajshëm.