Edhe pse Mali i Zi pak ditë më parë u shpall si një nga vendet më të sigurta për të kaluar pushimet verore, duket se sezoni turistik ka pësuar një rënie të ndjeshme për shkak të pandemisë së koronavirusit.
Në disa foto të marra nga plazhet kryesore në vend, bie në sy qetësia jo karakteristike dhe vendi duket si i 'shkretë'.
Pronarët e lokaleve dhe resorteve në vend ankohen se kjo është një situatë e pazakontë dhe po shkakton një dëm ekonomik të paparë.
Madje një prej tyre shton se ka fituar vetëm 1 euro.
Masat kufizuese janë ende në fuqi në vend, ku përfshihet karantinimi 14 ditor për turistët që hyjnë aty.
Ndërkohë situata duket e paqartë dhe e pasigurt, pasi askush nuk di të thotë me siguri se si do të shkojnë gjërat, ndërsa autoritetet e rajonit vazhdimisht po ndërmarrin masa të reja në lidhje me pandeminë e koronavirusit.
