Pandemia e COVID-19 ka depërtuar së fundmi edhe në futbollin shqiptar. Mbrëmjen e sotme, skuadra e Partizanit ka konfirmuar si pozitivë dy lojtarët e ekipit, Deian Boldor dhe Besnik Ferati.
Klubi njofton se të dy futbollistët kanë shfaqur simptoma dhe menjëherë i janë nënshtruar testimit të tamponit nga ku kanë rezultuar pozitivë. Për fatin e mirë, asnjë lojtar dhe pjesëtar tjetër i ekipit nuk kanë shfaqur simptoma.
Dy rastet pozitive vijnë në prag të derbit me Tiranën të premten në 20:45 në Air Albania.
Sipas protokollit izolohen vetëm futbollistet pozitivë dhe ekipi vijon normalisht aktivitetin por kjo varet edhe nga përgjigjet e testeve për pjesëtarët e tjerë të skuadrës.
Megjithatë, epidemiologia e Institutit të Shëndetit Publik, Rovena Daja, në një intervistë në “Repolitix”, është shprehur se është mirë që ekipi i Partizanit të izolohet për 14 ditë dhe nuk duhet të zhvillojë ndeshjet e planifikuara.
Ajo tha:
Sipas deklaratës së Dajës, ndeshja me Tiranën që luhet pas dy ditësh vihet seriozisht në rrezik, ndërsa ende nuk ka një njoftim zyrtar do të zhvillohet apo jo.