Novavax Inc, kompani e njohur ilaçesh, njoftoi se vaksina e saj eksperimentale prodhoi një përgjigje premtuese imune kundër koronavirusit, sipas të dhënave nga provat klinike. Kompania me bazë në Maryland tha se pjesëmarrësit gjeneruan nivele të larta të antitrupave neutralizues dhe qelizave T, që të dyja janë të nevojshme për të forcuar imunitetin.
Për më tepër, nivelet ishin më të larta se ato që shihen tek pacientët që janë rikuperuar nga Covid-19. Kompania tha se mund të fillojë një provë të madhe nga fundi të shtatorit dhe shtoi se mund të prodhojë rreth 2 miliard doza të vaksinës në vitin 2021. Ideja është që proteina do të bëjë që qelizat e njeriut të nxisin prodhimin e antitrupave për të luftuar infeksionin.
Burimi:Daily Mail|Përktheu dhe Përshtati: JOQ Albania