Koronavirusi mund të transmetohet më lehtë në mjediset shkollore dhe kampet verore, sesa mendohej më parë, pas shfaqjes së rasteve të reja të shpërthimeve në shtetin amerikan të Georgia-s dhe në Izrael, që kanë theksuar rreziqet e rihapjes së shkollës. Një raport i Qendrave Amerikane për Kontrollin dhe Parandalimin e Sëmundjeve (CDC) për një shpërthim në një kamp veror në Georgia, sugjeron se fëmijët, madje edhe rastet asimptomatike, mund të luajnë një rol të rëndësishëm në përhapjen e Covid-19.
Pretendimi bie ndesh me një numër studimesh të mëparshme, ku mendohej se fëmijët rrallë transmetojnë virusin midis tyre ose njerëzve të tjerë. Këtë javë 260 punonjësve në një nga rrethet më të mëdha të shkollave të Georgia-s, iu ndalua të hynin në shkolla për të filluar rihapjen, sepse ata ose kishin virusin, ose kishin qenë në kontakt me një individ të infektuar.
Zbulimi vjen pas një raporti zyrtar për një event që ka ndikuar në përhapjen e koronavirusit në Georgia, ku më shumë se 200 adoleshentë që morën pjesë në një kamp veror, brenda natës u infektuan.
Burimi:The Guardian|Përktheu dhe Përshtati: JOQ Albania
