Shpërthimi në Beirut të Libanit shkaktoi një tragjedi të rëndë për vendin dhe mbarë botën.
Si pasojë e tij humbën jetën të paktën 135 persona dhe mijëra mbetën të plagosur ndërsa dëmet materiale kapin vlerën e miliona eurove.
Pamjet gjatë dhe pas shpërthimit përlotën globin ndërsa të gjithë pamë njerëz të përgjakur në rrugë dhe trupa të pajetë.
Shpërthimi ka shkatërruar dhe momentet më të bukura në jetë të një nuseje të re e cila ishte duke filmuar klipin e dasmës.
Ajo ka kaluar tmerrin e jetës në momentin kur po filmohej nga Mahmoud Nakib. Nusja më pas ikën nga vendi me të gjithë personat që ndodheshin me të.