Në raportimin e 24 orëve të fundit Ministria e Shëndetësisë ka fshehur infektimin e mjekëve dhe infermierëve në qytetin e Tropojës. Ministria tha në mënyrë të përgjithëshme se në qytetin verior janë 7 raste të reja, por pa specifikuar dhe zbardhur se mes tyre 4 janë mjekë e inferimierë.
Sipas raportimeve të Fax News, mësohet se nga personeli shëndetësor janë përkatësisht tre mjekë dhe një infermiere të prekur. Madje njëri prej tyre, Sh.B, ka rezultuar pozitiv dy ditë më parë dhe është mjek, ndërsa dy të tjerët ditën e sotme përkatësisht Gj.P. dhe E.U. Ndërkohë personi i katërt është një infermiere po nga Tropoja.
Po përse Ministria e Shëndetësisë e kursen informimin e të prekurve në radhët e bluzave të bardha? Pak orë më parë u raportua se Urgjenca e Gramshit rrezikon të mbyllet pasi dyshohet se stafi prej 20 mjekësh mund të jetë infektuar nga pakujdesia.
