Ngrohja globale është bërë shkak për rritjen e stuhive dhe rrufeve, fenomene që janë shtuar me ritme të larta ndër vite.
Sigurisht një dukuri e tillë përbën lajm të keq për natyrën dhe njerëzimin. Alarmues është rasti i ndodhur në Polin e Veriut në gusht të vitit të kaluar kur rrufeja goditi 48 herë.
Shërbimi Kombëtar Meteorologjik i Amerikës lëshoi një deklaratë se një ngjarje e tillë është shumë e pazakontë.
Fenomene të tilla shfaqen kryesisht në zona të ngrohta si pasojë e fërkimit të grimcave në ajër që krijojnë energjinë elektrike.
Ndërsa ka qënë fenomen shumë i rallë në veri të rruzullit. Por duket se kjo ka ndryshuar dhe shkak është bërë ngrohja globale.
Rritja e temperaturave në Arktik në vitin 2019, dhe avulli që mbuloi planetin për shkak të një numri në rritje të zjarreve çoi në krijimin e stuhive në Polin e Veriut.
Shkencëtarët nga Universiteti i Kalifornisë në Berkeley bëjnë me dije se në disa pjesë të planetit ekziston madje një numër prej 50 për qind më i lartë i shkarkimeve kjo pasi kur ndodh rritja e temperaturës së ajrit, ndodh edhe rritja e numrit të rrufeve me 12 për qind.
Studiuesit e NASA pas monitorimit satelitor ndër vitet, 1979-2013, arritën në përfundimin se sasia e nxehtësisë dhe shndërrimi i një lloji të energjisë në një tjetër është më e shpejtë.
Kjo bën që stuhitë, uraganet, ciklonet dhe anticiklonet të ndodhin më shpesh.