Skandali/ Morgu i shtetit nuk ka doreza për të vdekurit, merr me qira fuoristrada me zero KM nga Agron Papuli

Shkruar nga: M Gjini | Publikuar më: 14.09.2020, 22:39

Çudirat shqiptare janë të panumërta në këtë vend, e bashkë me to edhe milionat që shpenzohen për arsye nga më të pabesueshmet. Keni dëgjuar ndonjëherë për Institutin e Mjekësisë Ligjore? Ndër të tjera aty ndodhet edhe morgu shtetëror. Me sa duket stafi i këtij instituti që përgjithësisht ka si detyrë të bëjë autopsinë e fatkeqëve që ndërrojnë jetë, paska nevojë për 3 automjete. Por jo automjete dosido, por fuoristrada me zero kilometra dhe të prodhimit 2016 e sipër.

Prisni se ka dhe më. Specifikimet e këtyre furositradave do t’ju lënë pa mend dhe nëse jeni duke e lexuar këtë artikull në mjedis të hapur, nuk do ishte çudi të shkulnit flokët dhe të vraponit si të çmendur nëpër rrugë. Kështu, stafi që hap trupat e të vdekurve, ka nevojë për fuoristrada që të kenë xhama të errët, sedilje lekure, ndezje me buton, sistem navigimi, timon multifunksional, bluetooth, cruise control, dritat me led, pasqyrat fotokromatike, sensor parkimi para-mbrapa, etj, etj.

Mjetet kërkohen që të kenë kamio automatike, fuqi motorike minimumi 200 kuaj fuqi si dhe shpejtësi maksimale minimumi 200 km/h. Është komplet e pakuptueshme se përse mund t’i duhen këtij institucioni fuoristrada të këtij niveli me specifikime e opsione të tilla kaq të larta në një kohë që sipas fotove që vetë ky institucion publikon në faqen e tij, duken “ashiqare” mungesat në mjetet më themelore.

Kështu në një foto të publikuar prej tyre, shihet mjaft qartë se në transportimin e një kufome, vetëm njëri nga katër personat që e transportojnë me barrelë ka doreza dhe uniformë, ndërsa të tjerët janë pa doreza dhe me xhinse apo tuta. E megjithatë kjo nuk e ka ndaluar aspak këtë institucion që të marrë me qira automjete me opsione “sheikësh”.

Më konkretisht, bëhet fjalë për tenderin me numër reference REF-68785-08-14-2020 dhe me objekt “Marrje me qira të 3 automjeteve për nevoja të Institutit të Mjeksisë Ligjore”. Në tender rezulton se ka marrë pjesë vetëm një kompani e cila natyrisht edhe ka fituar. Bëhet fjalë për kompaninë “Classic” Shpk në pronësi të as më pak e as më shumë, por të vetë Agron Papulit i cili njihet si njeri i afërt i Ramës por edhe i Bashës së fundmi. Sa për kronikë, vlera e ofruar nga kompania e Papulit është sa 99,76% e fondit limit të tenderit.

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit