Teksa ende nuk është bërë një javë e plotë që nga rihapja e shkollave, situata e pandemisë duket se po përshkallëzohet. Ditën e sotme 3 nxënës kanë rezultuar pozitivë më koronavirus në një shkollë private të Fierit. Ndërkohë ka filluar një hetim epidemiologjik në lidhje me gjurmimin e kontakteve, ndërsa familjet e nxënësve janë izoluar deri në daljen e përgjigjes së tamponit. Numri total i rasteve të reja në qytetin e Fierit është 11, ku krahas tre nxënësve kanë rezultuar pozitiv dhe një ekonomiste, një tregtare dhe një infermiere. Pjesa tjetër e personave të dalë pozitiv janë raste të kontaktit të personave të mëparshëm.