Që shteti ynë vepron me dy standarde, tashmë është një gjë e njohur nga të gjithë. Dhe kjo shtrihet nga nivelet më të larta deri tek ato më të ultat dhe të zakonshme në jetën e përditshme. I tillë është edhe trajtimi që bëhet në lidhje me rregullat anti-covid dhe masat parandaluese, ku qytetarët e thjeshtë ndëshkohen direkt nëse kryejnë ndonjë shkelje. Por ndryshe ndodh me të rinjtë militantë të Rilindjes. Duket se për ta nuk ekziston koronavirusi, pasi jo pak herë i shohim të grumbulluar nëpër mitingje dhe aktivitete të ndryshme duke ia kërcitur ahengut dhe duke kërcyer me njeri-tjetrin.
I tillë është dhe një aktivitet i sotëm i organizuar në Tiranë nga Qendra Rinore, ku të rinjtë shihen të kapur dorë për dore duke kërcyer me njëri-tjtrin pa u shqetësuar fare për situatën e pandemisë në të cilën ndodhet vendi.
