Sa më shumë po luan te Liverpooli, aq më shumë Thiago Alcantara po fiton zemrën e tifozëve të kuq. Mesfushori spanjoll iu bashkua skuadrës angleze në këtë merkato vere nga Bayern Munichu për 30 milionë euro dhe menjëherë është bërë protagonist.
Lojtari 29-vjeçar, deri më tani është duke treguar se mund të jetë transferimi më i goditur i këtij edicioni në Premier League. Thiago debutoi në fitoren 2-0 ndaj Chelseat në muajin e kaluar dhe arriti që në ndeshjen e parë që të bënte më shumë pasime të sakta se i gjithë ekipi i Chelseat.
I infektuar me COVID-19 në fillim të këtij muaji, Thiago ia doli të mposhtte virusin, për t’u rikthyer në formacionin bazë të Liverpoolit ndaj Evertonit ditën e djeshme. Edhe pse skuadra e tij barazoi 2-2, Alcantara i la të gjithë gojë hapur me paraqitjen e tij në "Goodison Park."
Statistikat e tij në këtë ndeshje:
Prekje topi 93
Pasime 70
Pasime në zonën kundërshtare 48
Ndërhyrje të sakta 4
Aksione të ndërprera 2
Me këto ritme, Thiago Alcantara po tregon nga ndeshja në ndeshje se do jetë futbollist kyç i Liverpoolit gjatë këtij sezoni.