Një aksident i frikshëm ndodhi mbrëmjen e djeshme në Yzberisht, ku një motor përplasi për vdekje një grua të moshuar rreth të 70-tave. Në një mesazh eksluziv, ne publikuam videon e kapur nga kamerat e sigurisë. Siç edhe shihet nga pamjet, përplasja ka qenë e fortë, për shkak të shpejtësisë me të cilën po udhëtonte drejtuesi i motorit. Ndërkohë zona është e banuar dhe rregullat e qarkullimit rrugor bazuar në sinjalistikën përkatëse, nuk lejojnë një shpejtësi më tepër se 40 km/h. Ndërsa motori, sipas dëshmisë se qytetarit, mund të ishte me mbi 100 km/h. Nga ana tjetër banorët e zonës shprehen mjaft të shqetësuar, pasi aty po ndodhin aksidente të shpeshta thjesht për arsye të mosrespektimit të rregullave. Gjithsesi duhet të tregohemi më të përgjegjshëm në rrugë, pasi një moment vlen sa një jetë, por një moment mund edhe të marrë jetë!
