Sot gratë naftëtare në Ballsh kanë hyrë në ditën e 15 te greves së urisë. Në mbështetje të grave greviste është edhe një përfaqësi e artistëve. Artistët i shprehen grave se ato nuk janë vetëm. Nga ana tjetër Rama iu thotë se s'duhet të gënjehen nga krokodilët që lotojnë kot për to dhe se qeveria është e tyre. Si zakonisht, premtime të kota dhe pa vend.
Ai shprehet:
Të dashura motra e greviste të Ballshit. Askush nuk ju kërkon të dorëzoheni, qeveria nuk është armiku po aleati juaj dhe askush nuk ju ofron lëmoshë, ne jemi gati të qajmë hallin tuaj së bashku! E vetmja pengesë mes nesh është greva juaj. Mbyllni grevën dhe do jem aty menjëherë! Mos u genjeni nga krokodilet që lotojnë për ju e duan t’ju përdorin kundër qeverisë! Qeveria është e juaja, por nuk mund të bisedojë me ju nën presione e me ultimatum! Grevat bëhen për tu dëgjuar, jo për të marrë me zor atë që ke në mendje. Ne ju kemi dëgjuar e po ju presim juve!