Ditën e sotme një 36-vjeçar është arrestuar në Rinas, pasi tentoi të korruptonte policin në pikën kufitare. Sipas njoftimit të policisë, i ndaluari kishte plotësuar ditët e qëndrimit në zonën Schengen dhe për të mundësuar kalimin i kishte ofruar oficerit të policisë 50 euro. Ndërkohë Policia e Shtetit u ngrit menjëherë duke njoftuar "suksesin" e arritur pasi kishte arrestuar personin në fjalë. Kjo gatishmëri e habitshme për të 'neutralizuar' qytetarët e thjeshtë u vu re edhe nga shumë komentues, të cilët reaguan në faqen e Policisë duke e 'masakruar' atë me komente.
Gjithashtu një qytetare ka shkruar në redaksinë JOQ Albania në lidhje po me këtë fenomen të hasur nga ana e saj para një muaji. Vetëm se ndryshimi sipas saj, ishte fakti se teksa po kalonte në Rinas, policia i ka hapur probleme edhe pse ajo i kishte të gjitha dokumentet në rregull. Qytetarja shprehet e habitur nga njoftimi i policisë, pasi sipas saj, janë vetë ata që e nxisin rryshfetin, siç kanë bërë edhe me vetë qytetaren në fjalë duke e vonuar për gati një orë, si e si ajo të paguante për të kaluar më shpejt.
Ajo shton më tej se policët i kanë kërkuar 50 euro për të kaluar, ndërsa një djali tjetër i kanë kërkuar 200 euro. Ky i fundit ka paguar vetëm 100, aq sa kishte mundësi, dhe më pas një shok i tiji i ka shtuar edhe 100 euro për të plotësuar shumën e kërkuar nga policët. Gjithashtu qytetarja thotë më tej se kështu kanë vepruar edhe me disa persona të tjerë, duke i marrë veç në zyrë me qëllim për t'i zhvatur lekët. Më poshtë jepet mesazhi i plotë nga qytetarja dhe video e momentit kur policët kanë ndaluar djalin në fjalë.
Mesazhi i qytetares: