Ditën e djeshme publikuam një lajm në lidhje me një vajzë e cila ishte fotografuar duke u endur rrugëve të Tiranës prej më shumë se një muaji. Sipas mesazhit që na mbërriti fillimisht, vajza dukej se kishte probleme dhe kishte humbur vetëdijen, pasi bënte veprime të çuditshme dhe jo normale. Nga pamja ajo dukej se po vuante nga diçka e madhe dhe rrinte vazhdimisht vetëm. Por një tjetër mesazh ka mbërritur në redaksinë tonë para pak minutash, ku bëhet me dije lajmi i mirë se vajza është gjetur dhe është dërguar në spital, ndërsa gjendja e saj shëndetësore paraqitet e mirë.
Pavarësisht se tek-tuk pati kritika për publikimn e rastit në fjalë, theksojmë se falë JOQ Albania u bë e mundur gjetja e saj nga familjarët. Ndërkohë që një gjë të tillë duhet ta bëjë normalisht policia dhe t'i gjendet pranë qytetarëve në kësi rastesh. Por mesa duket ka qenë e zënë këto ditë!