Javën e fundit vendi u përfshi nga protesta masive për ekzekutimin e Klodian Rashës nga efektivi i policisë. Revolta e popullit ka qenë tepër e madhe, çka u shfaq dhe gjatë protestave. Por nga ana tjetër dhúna pólicore ka qenë po aq e organizuar dhe e strukturuar, pasi shumë qytetarë janë arrestuar dhe rrahur keq për shkak se iu bashkuan protestës dhe thirrjeve për drejtësi për të riun 25-vjeçar. Së fundmi një rast tejet i rëndë ka mbërritur në redaksinë JOO, ku transgjinorja Anxhela ka denoncuar se është dhúnúar nga dy civilë.
Ajo kishte dalë pasditen e sotme rreth orës 18:00 tek sheshi mbrapa Muzeut Kombëtar për të takuar dy shoqe të sajat dhe shton se dy policë civilë e kanë ndaluar dhe e kanë shoqëruar në komisariat, ndërkohë që gjatë rrugës e kanë rrahur duke ia përplasur kokën në makinë. Për më tepër ajo shton se kishte dalë për të lypur dhe jo për të protestuar, por edhe pas kësaj dy policët nuk e kanë besuar.
Denoncimi i Anxhelës:
Sot reth ores 18:00 te sheshi mbrapa muzeut kombetare une po shkoja te takoja ca shoqe te miat ku 2 civila me ndalun dhe moren fugonin per te me shoqeruar ne ambjentet e policis gjate kohes kta policat me thoshin ca do ti ne protest ku une po u thosha sjam per protest kisha dal me lyp u tregova dhe leket pot ata sbesun por ma perplasen koken te Makina dhe ja si mkan bo...