Javët e fundit vendi ynë ka patur një situatë të vështirë si shkak i pandemisë Covid. Numri i rasteve të reja ka qenë tepër i lartë, por që sipas njoftimve zyrtare nga ana e autoriteteve shëndetësore, ky numër ka pësuar rënie gjatë ditëve të fundit. Ndërkohë nuk kanë munguar as rastet fatale, ku pacientët e infektuar me Covid nuk kanë mundur dot ta fitojnë betejën më sëmundjen. I tillë është një rast i mbërritur së fundmi në redaksinë JOQ Albania, nga një përson i cili shkruan se i afërmi i tij ka ndërruar jetë në QSUT nga Covid.
Por teksa i kanë kthyer sendet personale të afërmve të të ndjerit, është vënë re se mungojnë unaza dhe vëthët e floririt. Ndërkohë, të pyetur për mungesën e tyre, stafi u është përgjigjur familjarëve të viktimës se i kanë rënë.