Mbrëmjen e djeshme publikuam rastin e një 56-vjeçari, i cili endej rrugëve të Fierit pasi nuk kishte një shtëpi ku të strehohej dhe për këtë gjë kërkonte ndihmë nga shqiptarët. Reagimet për rastin në fjalë ishin të shumta dhe qytetarët u solidarizuan me situatën e vështirë në të cilën ai ndodhej. Ndërkohë një lajm i mirë sapo ka mbërritur në redaksinë JOQ Albania. Mësohet se një person nga Durrësi ka dalë vullnetar për ta ndihmuar zotërinë dhe aktualisht ai ndodhet në një hotel në Fier. Bamirësi nga Durrësi i ka paguar hotelin për 7 ditë dhe i ka dhënë edhe një shumë parash prej 5 mijë lekësh të reja. Lajmin e kaq bërë me dije qytetari i cili raportoi mbrëmë gjendjen e 56-vjeçarit.
Mesazhi i mbërritur:
Përshëndetje JOQ ! Jam ai djali që postova dhe ju dërgova atë videon në lidhje me atë hallexhiun nga KUÇOVA Gëzim NEBIU që endej rrugëve. SË PARI: Doja t'ju përgëzoja dhe t'iu falënderoja juve si staf të JOQ që e postuat videon duke e sensibilizuar opinionin publik mbarëshqiptarë duke bërë kështu një punë bamirësie. SË DYTI: Ju bëj me dije juve dhe të gjithë shqiptarëve kudo ndodhen se Gëzim NEBIU ndodhet aktualisht i strehuar në Hotel LEONE, Rruga: Kastriot MUÇO, pranë farmacisë NAÇI, FIER. Gëzimi do të qëndrojë i strehuar në këtë hotel për 1 javë pasi një shqiptar bamirës nga Durrësi i cili donte të mbetej anonim ia pagoi atij hotelin për 7 ditë dhe i dhuroi edhe 5000 lekë të reja. Po e bëjmë këtë sqarim për të njoftuar të gjithë të tjerët e interesuar që duan ta ndihmojnë këtë hallexhi të madh që nëse dëshirojnë ta ndihmojnë mund ta gjejnë dhe ta takojnë në këtë adresë duke shmangur kështu çdo keqkuptim dhe dyshim të mundshëm për abuzimin me ndihmat dhe kontributet që mund të vijnë për të. Zoti ia shpërbleftë me të mira të gjithë bamirësve dhe ua shtoftë pasurinë. Me të vërtetë që nuk pakësohet pasuria nga lëmosha. Klm dhe faleminderit për mirëkuptimin !
