Zlatan Ibrahimoviç vijon të jetë jashtë fushave të lojës për shkak të një dëmtimi në muajin dhjetor të vitit që sapo lamë pas. Megjithatë, Ibra ka zgjedhur të jetë aktiv larg fushës së blertë dhe prej disa ditësh është zyrtar lajmi për pjesëmarrjen e tij në festivalin e "Sanremos". Pas firmosjes së akordit me producentët e spektaklit madhështor, kanë dalë edhe thashethemet e para lidhur me shpërblimin që do të marrë Zlatan Ibrahimoviç, i cili duhet të jetë afro 50 mijë euro në mbrëmje.
Gjatë periudhës që do të zhvillohet programi më i famshëm në Itali, do të jetë në program edhe ndeshja me Milanit dhe Udinezes në kampionat (data 3 mars, ndërsa festivali do të zhvillohet mes datave 2 dhe 6 mars). Por, për të larguar çdo dyshim, ka ndërhyrë vetë klubi i Milanit, nëpërmjet një komunikate zyrtare duke shpjeguar se suedezi i ka marrë lejë klubit për pjesëmarrjen në festival.