Nëpërmjet një komunikate zyrtare të bërë së fundmi, La Liga ka njoftuar shtyrjen e ndeshjes mes Atletiko Madridit dhe Atletik Bilbaos. Shkak për këtë janë bërë kushtet e këqija të motit. Duke parë situatën e krijuar nga stuhia e dëborës në gadishullin iberik, është vendosur shtyrja e ndeshjes për një ditë tjetër, e cila ende nuk është vendosur.
Ndeshja ishte planifikuar të zhvillohej ditën e sotme duke filluar nga 16:15, por kjo nuk do të ndodhë dhe në orët e ardhshme, pritet të mësojmë një datë tjetër për zhvillimin e saj. Spanja është përfshirë ditët e fundit nga rreshjet e shumta të dëborës, ku Madridi është një nga qytetet më të prekur.
