Vrasja e Shkëlzen Kastratit në Fier ka vënë në punë policinë dhe prokurorinë për të identifikuar dhe arrestuar autorët e atentatit. Burime bëjnë me dije se ditën kur është bërë operacioni blic në Kurbin nga RENEA, mes të shoqëruarve janë edhe Ervis Martinaj dhe Erigers Mihasi, ndërsa u arrestua Cen Karriçi. Po të njëjtat burime pohojnë se Martinaj dhe Mihasi janë lënë të lirë brenda disa orëve, ndërsa Karriçi ndodhet ende në burg. Operacioni në fjalë, u krye brenda kompleksit luksoz “Arbëria Palace” në Fushë-Milot në pronësi dhe në territorin përreth të Ervis Martinajt, ndërsa u sekuestrua edhe një armë zjarri në afërsi të kompleksit. Kujtojmë se Martinaj një emër i njohur ky për policinë, konsiderohet si një nga njerëzit më të rrezikshëm në Tiranë, i akuzuar për vrasje dhe i dyshuar për disa ngjarje të rënda që kanë tronditur kryeqytetin.