Ditën e djeshme një ngjarje e rëndë tronditi Greqinë pasi një një pacient 60-vjeçar me origjinë shqiptare i cili ishte shtruar në spitalin 'Kryqi i kuq' për shkak se ishte i infektuar me Covid, i ka shkëputur aparatin e oksigjenit një 76-vjeçari të intubuar. Gjatë një interviste për mediat greke, 60-vjeçari shqiptar ka mohuar akuzat e ngritura ndaj tij.
Ai ishte i lënduar dhe ata po thonë që e bëra unë. Cilat kabllo duhet të heq? Nuk mund të ngrihem nga shtrati. A mund të heq kabllot? Por a është e mundur kjo gjë?
I pyetur nëse e shqetësonte zhurma, ai u përgjigj:
Jo, unë po përpiqesha ta ndihmoja kur e pashë ashtu. Po provoja, por më dhembi. A jemi vrasës tani? A do të na vrisni ? Mjekët u përpoqën për 10 orë. 5-6 mjekë po përpiqeshin ta ndihmonin atë. Nuk e lëndova aspak. Pse duhet ta shqetësoj? Ai kishte një problem shumë të madh. Kishte dhjetë vetë rreth tij.
Ndërkohë policia njoftoi se 60-vjeçari shqiptar edhe pse tha se ishte i lodhur dhe nuk donte të fliste, ai u akuzua për vrasje. Në njoftimin e Policisë thuhet:
Nën-Drejtoria e Sigurisë së Athinës, në kontekstin e hetimit të vdekjes së një pacienti të pranuar në Spitalin e Kryqit të Kuq, ngriti një çështje kundër një të huaji, gjithashtu i shtruar në të njëjtin repart, për krimin e vrasje. Më sipër u arrestua dhe po mbahet nën roje në Spital.